Tips oss: Send e-post til Send e-post hinnavis@gmail.com

Nærmiljø

Print Tips en venn
Av Admin Hinnavis 05.12.2018 kl. 12:14

    Ei spanande og modig kvinne som vart fylkesmann

    Magnhild Meltveit Kleppa har brøyta seg rydning som kvinne i lokalpolitikken på Hjelmeland og har vore pendlar til Oslo i 20 år. Nå dreg ho snart inn årane. Og kva då – ittepå?

    -Først må eg øva meg på å ikkje gjere noko, ler Magnhild Meltveit Kleppa. - Heime ventar eit solid ryddearbeid, så skal eg reise, lese og trappe opp samkvemmet med vener og familie. Ikkje minst skal eg ha meir tid med Arne, mannen min. Han har vært tolmodig i mange år, og ein stor støttespelar for meg. Det er alltid godt å komme heim til Hjelmeland. Då går Arne og eg mykje på tur. Eg går alltid sist og lar tankane fly, ofte har det hatt med jobben å gjere. Nå må eg lære meg til å tenke nye tankar. Det har vore eit privilegium å vere med og ta ansvar for å påverke korleis samfunnet utviklar seg.

    Magnhild Meltveit Kleppa, eller Magnhild som ho føretrekker å bli kalla, beskriv seg sjølv som ei vanleg jente som lærte å arbeide tidleg. – Å vekse opp på gard gjev eit eige høve til arbeid og arbeidsglede. Eg likte godt å vere med far og arbeide ute. Di meir far skrytte, di meir tok eg i. Foreldra mine forpakta prestegarden på Hjelmeland. Det var ikkje eit liv i rikspolitikken eg såg føre meg då eg vaks opp. Heime var kyrkja og bedehuset dei næraste naboane. Utdanning var sjølvsagt. Den gongen betydde det hybelliv, eit liv som nok var til større bekymring for mødrene våre enn for oss 15-åringer som skulle av garde til byen, fortel Magnhild og legg til at ho i ettertid har funne ut at ho hadde med seg ein eigen ballast frå livet på garden i møtet med verda utanfor.

    Kvinnetrussel

    - Eg har alltid hatt med meg kvinnesaka. Eg var ei av dei fyrste kvinnene i kommunestyret på Hjelmeland. Det var aldri valt inn meir enn ei kvinne om gongen, men i 1979 blei fire kvinner valde inn. Eg blei ei av dei fire, og me blei opplevd som ein trussel. Og me var ein trussel, ler Magnhild. Sjølv var ho den fyrste kvinnelege leiaren i Senterpartiet i Rogaland. – Eg er imponert over dei som gjekk føre i kampen for likeverd og likestilling. Dagens ungdom kunne med fordel ha visst meir om tidlegare haldningar og konkrete saker, meiner ho.

    Frivillighet og arbeid

    Det var gjennom frivillig arbeid Magnhild kom inn i politikken, fyrst som engasjert i husmorlaget i Hjelmeland, der ho var med på å få på plass den fyrste barnehagen og trygge skulevegar, ho var søndagskulelærar, dreiv yngres, guteklubb og mykje anna. Ho var også den fyrste kvinna som talde førehandsstemmer i Hjelmeland. – Eg skjønte at det var nyttig å engasjere meg i lokalpolitikken, og blei raskt med i Senterkvinnene der eg hadde god nytte av å drøfte aktuelle saker med kvinner frå andre kommunar. Etter kvart vart eg nestleiar i Senterkvinnene, fylkesleiar i Senterpartiet i Rogaland, medlem av fylkessamferdselsstyret, fylkestinget og fylkesutvalet. Ho var lærer på Hjelmeland i 20 år før ho blei pendlar til Oslo.

    Politikk og Storting

    I oktober 1997 blei sentrumsregjeringa samansett. Media hadde ikkje klart å avsløre namn. Magnus Takvam frå NRK spurde Magnhild om Kjell Magne Bondevik hadde ringt. Ho svarte klart nei. Jarle Skjørestad, sekretariatsleiaren i stortingsgruppa, tok henne ut på gangen. – Magnhild! Du lyg ikkje for Magnus Takvam! –Nei, det har eg heller ikkje gjort, svara ho. – Eg fekk melding om å ringe Bondevik. Eg sa ja til å bli sosialminister, men det var eg som ringde, ikkje Bondevik. Så eg laug ikkje.

    – Eg hadde ingen planar om å busetje meg på Hjelmeland. Det hadde Arne, og då vart det slik, seier Magnhild. Ho blei medlem av finanskomiteen første perioden på Stortinget og nestleiar i Senterpartiet si stortingsgruppe, seinare medlem av Stortingets kommunalkomité og deretter leiar i fire år. I denne perioden blei den første stortingsmeldinga om helse, miljø og tryggleik på den norske kontinentalsokkelen handsama. Dei viktigaste sakene i kommunalkomiteen var kommuneøkonomien, distriktspolitiske verkemiddel og bustadpolitikk. To år seinare vart Magnhild kommunal- og regionalminister, der ho blant anna fekk Terra-saka i fanget.

    Same hausten førebudde regjeringa felles ekteskapslov, og det var eit breitt fleirtal i både Stortinget og regjeringa for endringane. Senterpartiet tok atterhald, og media fann dette som ei pikant sak, sidan Magnhild har ein homofil son. - Eg hadde varsla at eg trong tid. Håvard var åleine og hadde ingen planar om giftarmål. Det viktigaste for meg blei til slutt korleis me på fleire samfunnsområde har endra lovverket for å sikra likeverd. Eg fekk overveldande respons. Eg møter framleis folk som fortel at eg opna dører fordi eg endra standpunkt.

    Servietten og kollektivsatsinga

    I 2009 vann dei raudgrøne valet og det skulle forhandlast fram ei regjeringsplattform for fire nye år. Ved eit kafébord i Stavanger sentrum sat førstekandidatane for dei raudgrøne i Rogaland og noterte flittig på ein serviett. - Me gleda oss til å følgje opp Nasjonal Transportplan og servietten inneheldt både kollektivsatsing, lyntog, rassikring og konkrete vegprosjekt: Ryfast, Rogfast og Tysdalsstranda. Me lova å rette opp skeivfordelinga av helsemidlar og å betre eldreomsorga. Me skulle ha på plass distriktsmedisinske senter, meir plass i kulturskulen, eit nytt kulturløft. Me lova å halde utvinningstempoet i olje- og gassproduksjonen oppe. Etter fire år kunne me konstatere at me hadde halde ord på det aller meste. Eg har framleis servietten!

    Å vere statsråd er krevjande. Magnhild sette seg fem tydelege mål, og gjennomførte alle fem:

    • Setje den fyrste eldreplanen ut i livet
    • Kraftig auke av minstepensjonen
    • Betre behandlinga av rusmisbrukarar
    • Ei eiga stortingsmelding for å styrke tilhøva for funksjonshemma.

    - Den store saka var likevel ”Utjamningsmeldinga”. Ei stortingsmelding om korleis ein kunne motverke auka forskjellar, fortel Magnhild og legg til at ho i ettertid skulle ønskt at det hadde vore betre klima i Stortinget for å følgje opp forslaga der. Det hadde vore førebyggjande for mange som slit i dag.

    70 år – og framleis i arbeid

    I november 2013 vart Magnhild utnemnt som fylkesmann i Rogaland. Der har ho nå vore i fem år. I november i år feira ho 70-årsdagen. Ho er framleis i jobb – nokre månadar til. – At du ikkje sluttar og får nokre gode år, seier velmeinande folk. Då er svaret mitt kvar gong: – Eg har gode år! Det kjennest meiningsfylt å bli kjent med fylkesmannsembetet, stå i styringslinja mellom nasjonal og lokal politikk, oppleve på nært hald det unike kompetansesenteret som er bygd opp, til teneste for kommunar, organisasjonar og einskildpersonar.

     

    Kva gjer Fylkesmannen?

    Fylkesmannen er statens representant i fylket, og vert tilsett på åremål for seks år av gongen. Fylkesordføraren og fylkesrådmannen er dei øvste leiarane for det folkevalde organet fylkeskommunen, altså politisk valde.

    Fylkesmannen får oppdrag frå 11 departement og 10 direktorat. I Rogaland er det til saman 190 tilsette som har fire hovudoppgåver:

     

    1. Opplysing, rettleiing og sjå til at nasjonal politikk vert følgt opp i fylket.
    2. Passe på at den einskilde innbyggjar opplever rettstryggleik. Eit døme er likeverdige tenester innan helse, omsorg og utdanning, eit anna er likeverdig behandling av ei byggesak.
    3. Ta initiativ og seie frå til sentrale styresmakter dersom me meiner det er noko som ikkje fungerer slik det er tenkt frå nasjonalt hald.
    4. Kongehuset sin representant i fylket. Formidlar til dømes ønske om besøk eller søknader om medaljar eller ordenar.

     

     Visjon: ”Me tar vare på Rogaland”

    Kjerneverdiar: Open, truverdig og tydeleg

     

     


     

    Næringsliv

    Publisert 07.09.2020 - 09:36
    Nr 12.png

    Ønsker å skape byens beste nabolag på Jåtun

    I 2018 kjøpte Base Bolig og Ineo Eiendom Jåttå Utviklingsselskap, og utbyggingsprosjektet på Jåtun er allerede godt i gang med boligprosjektet Husene i Skogen.

    » Les hele saken

    Bydelsprofilen

    Publisert 07.09.2020 - 09:13
    Bilde 160.jpg

    Fotballen har vært en trygg havn

    I 1987 ble navnet til Hans Arne Haga (37) nevnt for første gang i en årsrapport i klubben. Siden da har Hansi, som de fleste kaller ham, vært en del av Hinna fotball, som han i dag er daglig leder for.

    » Les hele saken

    Næringsliv

    Publisert 07.09.2020 - 09:32
    Skjermbilde 2020-09-01 kl. 09.26.34.png

    Kai Hansen 50 år - vil gi kunden den gode trykkeopplevelsen

    Kai Hansen trykkeri på Forus feirer 50 år. Fra én ansatt i 1970 til konsern og 100 ansatte i 2020 har de utviklet en trykkeribedrift som leverer kortreiste produkter og er totalleverandør på trykkeritjenester.

    » Les hele saken

    Hagespalten

    Publisert 07.09.2020 - 09:19
    syrinhortensia.jpg

    Høsttips til hagen

    Nå begynner kanskje hagen å se litt stusselig ut og det kan være fint å plante litt nytt. Det er flere stauder og busker som blomstrer nå om høsten. Jeg skal gi dere mine favoritter her.

    » Les hele saken

    Nærmiljø

    Publisert 07.09.2020 - 09:26
    Nr 125.jpg

    Hinnasenteret rammet av korona-restriksjoner

    Hinnasenteret er i ferd med å starte opp igjen etter å ha vært nedstengt siden 12. mars. Nå starter bridgespilling, bridgekurs, hverdangstanker, turgruppe, husflidgruppe og sosialt treff for aleneboende. 

    » Les hele saken

    Næringsliv

    Publisert 11.05.2020 - 08:39
    Toyota1.jpg

    Med hjerte for Hinna

    Tre generasjoner Oftedal har solgt Toyota siden tidlig på 1970-tallet. I dag har de butikk både på Mariero og Forus, og åpner på Bryne til neste år.

    » Les hele saken

    Nærmiljø

    Publisert 07.09.2020 - 09:16
    Oversikt Parken 2021.png

    Snart klart for åpning av Gapahuk og aktivitetspark i Hinna Park

    Velforeningen i Hinna Park har siden 2018 stått i spissen for å få opparbeidet en aktivitetspark for kommunedelens beboere. Nå står en helt ny gapahuk på plass, og i løpet av nærmeste framtid kommer det både bocciabaner og utendørs bowlingbaner på høyden i Hinna Park.

    » Les hele saken

    Næringsliv

    Publisert 11.05.2020 - 08:31
    20200421_103959.jpg

    Store ting på gang på Ullandhaug

    I slutten av mai får vi et inntrykk av hvor høyt det nye sykehuset på Ullandhaug blir.

    » Les hele saken

    Kultur og fritid

    Publisert 07.09.2020 - 10:21
    gettyimages-748355965-steve-de-neef-skra-strek-getty-imagesjpg.jpg

    TV-aksjonen blir digital

    I år går TV-aksjonen av stabelen søndag 18. oktober, og det blir ikke en dør til dør aksjon, på grunn av koronasituasjonen. I år skal vi være digitale bøssebærere. 

    » Les hele saken

    Kultur og fritid

    Publisert 07.09.2020 - 10:07
    Bilde.jpg

    OBOS har skapt økonomisk jubel for Jåtten skolekorps

    Som en del av OBOS sitt samfunnsbidrag, har de på landsbasis satt av 40 millioner kroner som skal gå til organisasjoner som har fått ekstra utfordringer etter koronautbruddet. Av disse fikk Jåtten skolekorps 60.000 tiltrengte kroner.

    » Les hele saken

    Sport og natur

    Publisert 07.09.2020 - 10:14
    Jenter1.jpg

    Full aktivitet i Vaulen IL

    Vaulenbanen er full av ivrige barn, i full kamp om ballen. Vaulen IL har i sommer arrangert fotballskole i uke 26 og 33, med god oppslutning.

    » Les hele saken

    Sport og natur

    Publisert 07.09.2020 - 10:11
    Bilde 240.jpg

    Åpent klubbhus på Hinna i sommer

    I løpet av juli har det vært åpent klubbhus på det nye «Hinnahuset». Dette har vært et tilbud for barn og unge, med finansiell støtte fra Stavanger kommune, for å lage et samlingspunkt i løpet av juli måned.

    » Les hele saken

    Elevarbeid Hetland VGS

    Publisert 20.02.2018 - 19:52
    _MG_5020.JPG

    Drømmer om å brygge øl på fulltid

    I januar gikk høringsfristen ut for et forslag som vil redusere alkoholavgiften på øl produsert hos mindre bryggerier. Det kan få stor betydning for Jåttå Gårdsbryggeri.

    » Les hele saken

    Elevarbeid Hetland VGS

    Publisert 20.02.2018 - 19:45
    Bilde elevråd - Justyna 3MFB.jpg

    På Jåtten er refleksvest kult

    På Jåtten skole er ikke elevene flaue over å gå med refleks i den mørke årstiden. For å motivere elevene til å gå med refleks arrangerer FAU og elevrådet reflekskonkurranse.

    » Les hele saken

    Elevarbeid Hetland VGS

    Publisert 20.02.2018 - 17:37
    Kampsport2.jpg

    Kampsporthuset under nytt tak

    Det ble en annerledes sesongstart for Kampsporthusets medlemmer etter nyttårsbrannen på Boganes. 8. januar flyttet de inn i nye lokaler i Hinnatrekanten.

    » Les hele saken

    Elevarbeid Hetland VGS

    Publisert 20.02.2018 - 17:33

    Full fart i Jåttåhallen

    Det er fredagskveld og ungdommer heier og jubler i Jåttåhallen. Det lukter svette, støynivået er høyt og en gjeng med jenter løper rundt og roper tikken.

    » Les hele saken

    Elevarbeid Hetland VGS

    Publisert 20.02.2018 - 17:25

    Skoleutbygging lagt på is

    Etter at prognosene for elevtallsøkningen ble endret i 2016, har politikerne kommet fram til at Jåtten skole ikke blir utvidet før tidligst 2022.

    » Les hele saken